Sequentia
–
En amor trob alques en que'm refraing
- Продолжительность:
- 11:15
- Формат:
- mp3
На этой странице Вы можете скачать песню Sequentia — En amor trob alques en que'm refraing в формате mp3 или слушать её онлайн совершенно бесплатно. Наслаждайтесь лучшими треками, альбомами и новинками в исполнении Sequentia без ограничений.
Текст песни "Sequentia — En amor trob alques en que'm refraing"
(Исп. Barbara Thornton)
En Amor trob alques en qe'm refraing,
C'al meins d'Amor mals o bes no'm sofraing,
Ni eu per mal no'm loing d'Amor ni'm fraing;
On plus m'auci plus vas Amor m'afraing.
Mas non conosc c'Amors vas mi s'afraigna,
Ni eu non ai d'Amor poder qe'm fraigna.
Res no'm sofraing, sol c'Amors no'm sofraigna,
Car ses Amor non sai en qe'm refraigna.
D'Amor no'm puosc partir, c'Amors mi pren,
E qan m'en cuich emblar plus mi repren
Ab un esgart don mos cors s'escompren,
Qe m fai venir de lieis en cui m'empren.
Mas a son dan no'us cuidetz que m'enprenda,
Ni per autra mos fins cors s'escomprenda,
Don hom per fals amador mi reprenda,
Q'en lieis es tot, si'l platz, qe'm lais o'm prenda.
C'aissi sui faitz del tot al sieu coman
Que nuilla ren non desdec q'ella 'm 'man
Pero d'un ben la prec que no'm desman
C'al comenssar mi promes del deman;
Don fai pechat oimais que no'm demanda
E grans merces sivals car no'm desmanda;
Mas ieu tenc ben per desman si no'm manda,
Pero assatz qui non desditz comanda.
En lieis son tuich li bon aip c'om retrai,
Estiers que greu promet e leu estrai,
Per q'ieu non puosc sofrir lo mal q'ieu trai
Si cal que ben Amors no m'en atrai.
Mas pero ben o mal cal q'ieu n'atrai
Sofrirai tot, que ja per mal qu'eu traia
No m'estrairai d'amar, qui qe's n'estraia,
Ni ja nuill temps non vuoill qu'om m'o retraia.
Dompna, en vos ai mon cor tant fin e ferm
Que ges non ai poder que l'en desferm.
Abanz vos jur sobre sainz e' us afferm
Cum plus m'en cuich partir, plus mi referm;
E si Merces qe'ls partimens referma
Per chausimen en vos plus no s'aferma,
Totz mos affars s'i destrui e'is desferma,
C'autra del mon no vuoill que m'estia ferma.
L'adreitz Conratz Malespina referma
Don e domnei, si que chascus aferma
Que de bon pretz no'is laissa ni's desferma,
Per c'om en lui deu tener prova ferma.
Na Biatriz d'Est, tant etz fina e ferma
Qe'l vostre sens no's camja ni's desferma,
Don vostre laus si meillura e s'aferma;
E puois mos chans e mos digz o referma.
